Newyddion - AIL CHWARTER – 2022

PYSGOD WEDI'U TAGIO

Rydych wedi clywed am bysgod wedi’u tagio wrth gwrs. Yn Llyn Brenig efallai y bydd gan y “pysgod sydd wedi’u tagio” ystyr gwerth chweil arall, os daliwch un! Yn ystod ail-stocio diweddar cafodd “Floy Tags” eu gosod ar gefnau rhai o'r pysgod ger yr asgell ddorsal. Beth sydd mor gyffrous am hyn? Os byddwch yn tynnu lluniau o'ch pysgod ac yn casglu'r tag, yna naill ai ewch â'r wybodaeth i'r Ganolfan Ymwelwyr, neu e-bostiwch y wybodaeth, a gallwch ennill £1000. Bydd y rhai sy'n cyflwyno'r wybodaeth hon cyn Tachwedd 3ydd yn cael eu cynnwys mewn raffl, a bydd y canlyniadau'n cael eu cyhoeddi ar Dachwedd 5ed. Bydd rhai gwobrau hefyd am yr ail a'r trydydd lle.
Ewch i wefan Llyn Brenig am fwy o wybodaeth ( www.llynbrenig.com )

CYMRYDORIAETHAU CHURCHILL

Yn dilyn y cyfyngiadau ar deithio’r byd, a oedd yn hanfodol, mae Ymddiriedolaeth Goffa Winston Churchill – a elwir bellach yn Gymrodoriaeth Churchill – wedi cyhoeddi y gall cymrodorion ymweld â gwledydd tramor o 2023 ymlaen. Dywedodd y Prif Swyddog Gweithredol, Julia Weston "rydym yn falch iawn o gyhoeddi y byddwn ym mis Medi 2022 yn ailagor ar gyfer ceisiadau am Gymrodoriaethau Churchill". Nid oes angen unrhyw gymwysterau academaidd pellach ar ymgeiswyr, ond mae'n rhaid iddynt fod yn ddinasyddion y DU a thros ddeunaw oed.
Dangosir y categorïau ar gyfer 2023 isod :-

Bydd gwybodaeth lawn am sut i ddewis thema ar gyfer eich cais yn cael ei chyhoeddi cyn i ni ailagor ar gyfer ceisiadau yn 2022. Gallwch gofrestru i dderbyn gwybodaeth am geisiadau drwy fynd i'r wefan www.churchillfellowship.org

Ffair Gêm Cymru GWCT gyntaf i’w chynnal ar ystâd hanesyddol Y Faenol 9-11 Medi 2022

Gall cyfranogwyr Ffair Gêm Cymru GWCT ddisgwyl gweld pysgota, saethu clai, sioeau cŵn, coginio gyda chig gêm, heboga, ceffylau a chŵn hela yn ogystal a chrefftau cefn gwlad, bwydydd a diodydd. Gall ymwelwyr edrych ymlaen i fwynhau ystod eang o atyniadau, arddangosfeydd, trafodaethau byw, siopa mewn cannoedd o stondinau masnach ac adloniant teuluol, i gyd gyda thema cefn gwlad. Bydd Lein Saethu Clai a Rhes Gynnau, dau elfen poblogaidd dros ben yn Ffeiriau Gêm Lloegr a’r Alban, yn ymddangos ochr yn ochr a gwledd o gynnyrch Cymreig.

Bydd y digwyddiad yn lwyfan heb ei ail i gefn gwlad Cymru ac yn gyfle i hyrwyddo diwylliant a threftadaeth unigryw Cymru. Bydd y Ffair Gêm hefyd yn dod a chynrychiolwyr ystod eang o sectorau chadwraeth, ffermio, gweithgareddau gwledig a chyrff pysgota ynghyd i drafod materion cyfoes cefn gwlad Cymru. Y nod fydd i faethu cyfathrebiadau fwy eang a chydweithrediad rhwng sectorau ac i hybu lles gweithgareddau gwledig a chadwraeth i gynulleidfa ehangach.

Os ydych â diddordeb mewn ymuno gyda grŵp bach (mwyafrif 6) yn aros yn y Scourie Hotel i bysgota am frithyll gwyllt, rhowch alwad i mi Noel ar  07774 610600