Newyddion - MAWRTH – EBRILL 2020

Curwch y Cloc! Mae arwerthiant Ymddiriedolaeth Brithyll Gwyllt bellach yn fyw ar eBay. Mae'n gyfle gwych i wneud cais am dymor cyfan o anturiaethau pysgota a helpu'r WTT i wneud gwaith hanfodol ar gyfer brithyll gwyllt a'r mannau lle maent yn byw. Gyda mwy na 300 lot i’ch temtio yn yr arwerthiant eleni, mae prisiau i siwtio pob poced a nifer enfawr o anturiaethau fforddiadwy am ychydig bunnoedd yn unig. (Yn wir, mae mwy na dwy ran o dair o'r holl lotiau'n dechrau o dan £100.) D.S. Os ydych yn ymgeisydd llwyddiannus gallech fod yn pysgota gyda Llyn Guides!

Mae hyn i gyd yn golygu nad yw'n syndod bod mwy a mwy o gefnogwyr WTT yn defnyddio'r arwerthiant fel ffordd o gynllunio blwyddyn anturus o archwilio dyfroedd newydd na fyddent wedi gallu ymweld â hwy fel arall o bosibl. Mae'n debyg y byddwch eisoes wedi derbyn catalog ocsiwn yn y post, ond peidiwch â phoeni os nad oes gennych un wrth law. Yn syml, ewch i wefan WTT (www.wildtrout.org) i gael manylion gan gynnwys linc i'r holl lotiau ar eBay a dechreuwch roi cynnig am dymor eich hun o anturiaethau pysgota.

Neu, os nad ydych am ddefnyddio eBay, gallwch anfon e-bost sydyn (office@wildtrout.org) neu ffoniwch y WTT ar (023 9257 0985) gyda manylion yr hyn yr hoffech wneud cais amdano (gan gynnwys yr uchafswm yr ydych am ei dalu) a byddant yn gwneud cais ar eich rhan. Fel mae'n digwydd mae'r ocsiwn yn cau ar y 29ain o Fawrth, y diwrnod mae'r clociau'n symud ymlaen awr, felly allwch chi guro'r cloc a chael eich bid i mewn! Rwyf i wedi gwneud fy nghais – ydych chi?

“Fisherman’s Friend”

Mae un o'm ffrindiau da sydd hefyd yn gymar pysgota, wedi tynnu fy sylw at drafferthion teulu y mae'n ei adnabod. Mae'n ceisio codi ymwybyddiaeth am ganser plentyndod prin ac, ar yr un pryd, codi arian i'w gefnogi drwy ymgyrch i ledaenu'r gair i gynulleidfa ehangach. Fel rhiant, rydw i’n awyddus i’ch hybu i ychwanegu eich cefnogaeth. Mae hwn yn gyfnod hynod o drist i'r teulu, ond mae wedi bod yn rhyfeddol sut y mae'r gymuned leol ac ehangach wedi cefnogi'r ymgyrch. I ddarllen mwy am yr ymgyrch ac i gyfarfod â dynes ifanc ddewr iawn ewch i:

https://www.gofundme.com/f/unbeatable-eva

Mae fy ffrind wedi eillio ei farf a'i ben fel rhan o'r ymgyrch ( ac wedi codi £ 1150 + yn y broses!!), felly mae o’n edrych ychydig yn wahanol nawr!
Os gall ef wneud hyn, beth allech chi ei wneud i ddangos eich cefnogaeth?

Draenogiaid y Môr (Sea Bass) 2020.

Rhagwelir y bydd y pysgotwr hamdden yn gallu cadw dau bysgodyn, fel cyfanswm dyddiol, os cawn eu dal rhwng y 1af o Fawrth a'r 30ain o Dachwedd 2020.

Y maint glanio lleiaf yw 42 cm. Mae hyn fel yr oedd yn 2019. Yn nyfroedd deheuol yr Iwerydd mae'r cyfanswm dyddiol ar y bag wedi ei leihau o dri physgodyn y dydd i ddau, yn unol â therfyn dalfeydd Gogledd yr Iwerydd. Yn ogystal, mae deddfwriaeth bellach yn yr arfaeth ar gyfer Sbaen a Ffrainc i sicrhau nad yw "marwolaethau pysgota" stoc draenogiaid y môr, o bysgota masnachol a hamdden, yn uwch na therfynau penodol ar gyfer dalfeydd. Yng ngogledd yr Iwerydd cewch bysgota yn ystod y "tymor caeedig" sef 1af o Ragfyr i'r 28ain o Chwefror ond rhaid bod ar sail dal a rhyddhau. Bydd y rhai ohonoch sydd â llygaid eryr yn sylwi bod y tymor wedi ei ymestyn o saith i naw mis!

Coronaveirus 2020.

Ble rydyn ni'n dechrau gyda hyn? Mae newyddion a dderbyniais y bore yma yn dangos y WHO yn dweud yn dweud "Profi, Profi, Profi"! Y cwestiwn a ofynnwn, yw pam nad yw'r DU yn gwneud hynny? Os ydych yn credu bod pethau'n ddrwg yn y DU ystyriwch, beth sy'n digwydd mewn mannau eraill!

Norwy - Mae preswylwyr yn cael eu gwahardd rhag mynd i'w cabanau haf a’u bythynnod.

Ffrainc - Mae angen i aelodau o'r cyhoedd gael caniatâd i adael eu cartrefi. Os methant ei gael, maent yn cael eu dirwyo yn y fan a'r lle!

Ynys Manaw - Cafodd unigolyn ei arestio am beidio a hunanynysu wedi dychwelyd i'r Ynys.

America - Mae’r firws nawr ym mhob talaith a nwyddau yn brin iawn yn yr archfarchnadoedd.

Iwerddon - Cafodd y bariau eu cau ar ddydd Sant Padrig! Cynghorwyd preswylwyr i hunanynysu os oeddent yn dychwelyd o'r Eidal a Sbaen. Cynghorir dinasyddion i beidio â theithio i'r Almaen. Yr wythnos diwethaf cyhoeddwyd yr Irish Examiner, papur newydd dyddiol, heb i staff fynd i mewn i'r swyddfa! Y dyfodol?

Yr Eidal - Mwy o farwolaethau erbyn hyn na Tsiena!

Eurovision - Canslo!!!!! Nil Point

Yn ddiweddar, cefais bapur defnyddiol iawn ar fy nghyfrifiadur gan athro o Brifysgol Stanford, ac rwyf wedi'i atgynhyrchu isod gan y gallai fod o gymorth i chi:

Efallai na fydd y coronafirws newydd yn dangos arwydd o haint am ddyddiau lawer. Sut y gall un wybod a yw wedi'i heintio? Erbyn iddynt gael twymyn a/neu beswch a mynd i'r ysbyty, mae'r ysgyfaint fel arfer yn 50% ffibrosis ac mae'n rhy hwyr.
Mae'r arbenigwyr Taiwan yn darparu hunan-wirio syml y gallwn ei wneud bob bore. Cymerwch anadl ddofn a daliwch eich anadl am fwy na 10 eiliad. Os ydych chi'n ei gwblhau'n llwyddiannus heb beswch, heb anghysur, stiffrwydd neu dynerwch, ac ati, mae'n profi nad oes ffibrosis yn yr ysgyfaint, yn y bôn nid yw'n dangos haint. Mewn amser tyngedfennol, dylech hunan-wirio bob bore mewn amgylchedd gydag aer glân.
Mae meddygon Siapaneaidd sy’n trin achosion COVID-19 yn cynghori: Dylai pawb sicrhau bod eu ceg yn llaith, byth y sych. Cymerwch ychydig o sipiau o ddŵr bob 15 munud o leiaf. Pam? Hyd yn oed os yw'r firws yn mynd i mewn i'ch ceg, bydd yfed dŵr neu hylifau eraill yn eu golchi i lawr drwy eich gwddf ac i mewn i'r stumog. Unwaith yno, bydd eich asid stumog yn lladd yr holl firws

Os nad ydych yn yfed digon o ddŵr yn fwy rheolaidd, gall y firws fynd i mewn i'ch pibell wynt ac i'r ysgyfaint. Mae hynny'n beryglus iawn.

CYHOEDDIAD PWYSIG - CORONAFIRWS

1. 1. Os yw eich trwyn yn rhedeg ac mae gennych grachboer (sputum) mae gennych anwyd arferol.
   
   
2. 2. Mae'r niwmonia coronafirws yn beswch sych heb unrhyw drwyn yn rhedeg.
   
   
3. 3. Nid yw'r firws newydd hwn yn gallu gwrthsefyll gwres a bydd yn cael ei ladd gan dymheredd o ddim ond 26/27 gradd Celsius (tua 80 gradd Fahrenheit). Mae’n casáu'r haul.
   
   
4. 4. Os bydd rhywun gyda’r firws yn tisian, mae'n cymryd tua10 troedfedd cyn iddo ddisgyn i'r ddaear ac nid yw bellach yn yr awyr.
   
   
5. 5. Os bydd yn disgyn ar arwyneb metel fe fydd yn byw am o leiaf 12 awr - felly os byddwch chi'n dod i gysylltiad ag unrhyw arwyneb metel, golchwch eich dwylo cyn gynted ag y gallwch gyda sebon bacteriol.
   
   6. Ar ffabrig, gall oroesi am 6 - 12 awr. Mae golchi gyda glanedydd arferol yn ei ladd.
   
   7. Mae yfed dŵr cynnes yn effeithiol ar gyfer pob firws. Ceisiwch beidio ag yfed hylifau gyda rhew.
   
   8. Golchwch eich dwylo'n rheolaidd gan y gall y firws ond byw ar eich dwylo am 5-10 munud, ond, gall llawer ddigwydd yn ystod y cyfnod hwnnw - gallwch rwbio eich llygaid, pigo eich trwyn yn ddiarwybod ac yn y blaen.
   
   9. Dylech hefyd garglo fel ataliad. Bydd hydoddiant syml o halen mewn dŵr cynnes yn ddigon.
   
   10. Does dim modd pwysleisio hyn yn ormodol - Yfwch ddigon o ddŵr
   
   

Y SYMPTOMAU

1. Bydd yn heintio'r gwddf yn gyntaf, felly byddwch yn cael gwddf tost sy’n para 3/4 diwrnod.

2. Yna mae'r firws yn ymdoddi i hylif trwynol sy'n mynd i mewn i'r bibell wynt ac yna'r ysgyfaint, gan achosi niwmonia. Mae hyn yn cymryd tua 5/6 o ddiwrnodau ymhellach.

3. Gyda'r niwmonia daw twymyn uchel ac anhawster anadlu.

4. Nid yw'r gorlenwad yn y trwyn yn debyg i'r math arferol. Rydych chi'n teimlo fel eich bod yn boddi. Mae'n hanfodol eich bod yn ceisio sylw meddygol ar unwaith.

Cyfleusterau Pysgota.

Gan fod y diffiniad o "grynoadau cymdeithasol" a "theithio diangen" yn parhau i fod heb eu diffinio yn glir yn y DU, efallai y dylech feddwl am wirio cyn mynd i bysgota. Mae hyn yn arbennig o berthnasol i ddyfroedd llonydd; os oes ganddynt gaffi rhaid ei gau – efallai fod y cyfleuster cyfan ar gau.

Mae Llyn Brenig ar gau! Mae’r newidiadau yn Llyn Brenig wedi’u cwblhau. Mae'r siop, am drwyddedau ac offer, bellach i'w gweld ger mynedfa'r caffi. Yma, pan fydd yn ail agor, gallwch weld beth mae'r camerâu Gweilch yn cofnodi

Mae'r hen siop bellach yn ganolfan cyfarfod/addysg.

Mae mynediad i'r cyfleuster wedi ei gau, ac mae’r gatiau rhwng y ffordd fynediad a giât y Clwb Hwylio wedi eu cloi. Mae staff sydd yno er diogelwch yn unig! Gall deiliaid gyda thrwydded tymor barhau i bysgota. Gall deiliaid heb docyn gerdded i'r peiriant tocynnau a phrynu tocyn diwrnod ar gyfer pysgota banc ond cofiwch gymryd digon o newid gyda chi!

Gyda'r system ffôn newydd i fyny ac yn rhedeg rhif y siop yw 01490 389227. Pan fyddant wedi ail-agor fe gewch ateb. Ar yr adeg yr wyf yn ysgrifennu hwn, nid yw’r peiriant yn Llyn Alwen yn gweithio ond gobeithir ei drwsio cyn gynted â phosibl.

Mae pysgota dŵr ffres yn llai tebygol o gael ei effeithio.

Ni wyddom pa mor hir y bydd y sefyllfa bresennol yn parhau felly, cymerwch ofal ychwanegol ac arhoswch yn ddiogel.